Agar aap property mein invest karna chahte hai to kuch real estate terms samjhna bahut important hota hai, sirf location aur budget dekhna hi kaafi nahi hota. Terms ko samjhne se aap better decision le sakte hai aur kabhi bhi confusion ya fraud se bach sakte hai. Chaliye, jaante hain kuch common real estate terms which you should know.
Real Estate Terms You Should Know: Carpet Area Vs. Build Up Area Vs. Super Build Up Area
Carpet Area ka matlab hai ghar ke andar ka actual usable area, jahan aap chal sakte hain ya furniture rakh sakte hain. Isme walls ki thickness, balcony aur common areas include nahi hote.
Built-up Area mein Carpet Area ke saath walls aur balcony ka area bhi include hota hai. Yeh Carpet Area se thoda bada hota hai.
Super Built-up Area mein Built-up Area ke saath common areas jaise lobby, staircase, lift ka proportionate share bhi include hota hai. Zyadatar builders isi area ke basis par property sell karte hain.
Circle Rate, Down Payment & EMI
Circle Rate woh minimum property value hoti hai jo government decide karti hai. Property ki registry isi value ya usse zyada amount par hoti hai.
Down Payment: Property ki total cost ka woh hissa jo buyer apni pocket se pehle pay karta hai, Down Payment kehlata hai. Baaki amount ke liye home loan liya ja sakta hai.
Home Loan EMI: EMI (Equated Monthly Installment) woh fixed monthly payment hoti hai jo aap bank ko home loan repay karne ke liye dete hain. Isme principal aur interest dono include hote hain.
Freehold Property & Leasehold Property
Freehold Property mein owner ko property aur uski land dono par poora ownership right milta hai. Is tarah ki property future mein sell ya transfer karna comparatively easy hota hai.
Leasehold Property mein land kisi authority ya government ki hoti hai aur buyer ko sirf ek fixed period ke liye use karne ka right milta hai.
Yeh woh date hoti hai jab builder officially property buyer ko handover karta hai. Agreement sign karte waqt possession timeline dhyan se check karein.
Occupancy Certificate (OC) & Completion Certificate (CC)
Occupancy Certificate confirm karta hai ki building construction rules ke according bani hai aur rehne ke liye safe hai.
Completion Certificate local authority issue karti hai jab project approved plan ke hisaab se complete ho jata hai.
Stamp Duty & Registration Charges & Appreciation
Property purchase ke time government ko diya jaane wala tax Stamp Duty kehlata hai. Har state mein iska percentage alag ho sakta hai.
Registration Charges: Property ko legally buyer ke naam transfer karne ke liye registration charges pay karne padte hain. Yeh property transaction ka important part hai.
Appreciation: Jab kisi property ki value time ke saath badhti hai, use Appreciation kehte hain. Isi wajah se real estate ko long-term investment ke liye ek achha option mana jata hai.
Real Estate Terms You Should Know: Contact Us For More Details
Real estate mein investment ek bada financial decision hota hai. Agar aap in basic terms ko achhi tarah samajh lenge, toh property buy karna aur bhi easy aur transparent ho jayega. Hamesha documents verify karein, bina poori information ke kisi bhi deal ko final na karein.
Call / WhatsApp: +91 9220347056
Follow us on Instagram,
Like our Facebook page